

D2720

ཅུང་ཟད་མི་རིང་བའི་ཆེན་པོ་རྣམས་ཀྱི་གདན་ས། དཔལ་ཤེར་གྱི་གཙུག་ལག་ཁང་དུ་བསྒྱུར་བའོ།།[་]@##། །རྒྱ་གར་སྐད་དུ། ཨཱརྱ་ཨ་མོ་གྷ་པཱ་ཤ་པཉྩ་དེ་བ་སྟོ་ཏྲ། བོད་སྐད་དུ། འཕགས་པ་དོན་ཡོད་ཞགས་པ་ ལྷ་ལྔའི་བསྟོད་པ།རྗེ་བཙུན་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །མཁའ་ལྟར་རང་བཞིན་རྣམ་དག་ལས། །པཾ་ཡིག་ཨ་དཀར་ཡོངས་གྱུར་པའི། །པདྨ་དཀར་པོ་ཟླ་སྟེང་དུ། །ཧྲཱིཿཡིག་དཀར་པོ་ལས་འཁྲུངས་ཤིང་། །གཡས་བརྐྱང་རོལ་བའི་ཚུལ་གྱིས་བཞུགས། །གངས་ རི་ལྟར་གསལ་ཀུནྡའི་མདོག་།གཡས་པ་མཆོག་གི་དོན་སྦྱིན་མཛད། །འཁོར་བའི་སྐྱོན་གྱིས་མ་གོས་པའི། །པདྨ་དཀར་པོ་གཡོན་ན་འཛིན། །འཛུམ་བཅས་ཞི་བའི་ཉམས་དང་ལྡན། །རིན་ཆེན་སྣ་ཚོགས་རྒྱན་གྱིས་མཛེས། །མ་ཆགས་དཀྱིལ་འཁོར་གཙོ་ལ་བསྟོད། །པདྨ་དཀར་པོ་ཟླ་སྟེང་དུ། ། ཧ་ཡིག་དམར་པོ་ལས་འཁྲུངས་ཤིང་། །མཉམ་པར་བཞེངས་ནས་འགྲོ་དོན་མཛད། །པདྨ་རཱ་ག་དམར་པོའི་མདོག་།ཞགས་པ་དང་ནི་རྡོ་རྗེ་གཡས། །ལྕགས་ཀྱུ་བགྲང་ཕྲེང་གཡོན་ན་འཛིན། །སྣ་ཚོགས་རྒྱན་གྱིས་མཛེས་པ་ཡི། །དོན་ཡོད་ཞགས་ལ་ཕྱག་འཚལ་བསྟོད། །པདྨ་ཉི་སྟེང ཧཱུཾ་ལས་འཁྲུངས།།གཡོན་བརྐྱང་གྱད་ཀྱི་ཚུལ་གྱིས་བཞུགས། །སྐུ་མདོག་དམར་པོ་བྱི་རུའི་ཚུལ། །སྟག་དང་སྦྲུལ་གྱིས་རྣམ་བརྒྱན་ཅིང་། །བེ་ཅོན་དང་ནི་སྡིགས་མཛུབ་གཡས། །འཁོར་ལོ་པདྨ་དམར་པོ་གཡོན། །སྤྱི་གཙུག་རྟ་མགོ་ལྗང་གུའི་ཚེར། །ཧ་ཡ་གྲཱྀ་ལ་ཕྱག་འཚལ་ བསྟོད།།ཆུ་སྐྱེས་ཉི་མར་ཕ་ལས་འཁྲུངས། །ནམ་མཁའི་མདོག་ཅན་གཡོན་བརྐྱང་ཚུལ། །མཆེ་གཙིགས་ཁྲོ་མོའི་ཆ་ལུགས་འཛིན། །སྟག་གི་པགས་པས་རྣམ་པར་དཀྲིས། །རལ་གྲི་ཞགས་པ་པདྨ་མདའ། །འཁོར་ལོ་དབྱིག་པ་རྩེ་གསུམ་གཞུ། །གཡས་དང་ གཡོན་གྱི་ཕྱག་ན་བསྣམས།།རལ་གཅིག་མ་ལ་ཕྱག་འཚལ་བསྟོད། །པདྨ་དཀར་པོ་ཟླ་སྟེང་དུ། །ཊ་ཡིག་དཀར་པོ་ལས་འཁྲུངས་ཤིང་། །ཟླ་བ་ཆུ་ཤེལ་ནོར་བུའི་མདོག་།འགྱིང་ཞིང་ལྡེམ་པའི་ཚུལ་གྱིས་བཞུགས། །དབྱིག་པ་པདྨ་དཀར་པོ་གཡས། །བགྲང་ཕྲེང་དང་ནི་སྤྱི་བླུགས་ ་གཡོན།